कोरोना व्हायरसवर 'लस' तयार होणार?
मुंबई : कोरोना विषाणू संदर्भात सर्वांना दिलासा देणारी बातमी आली आहे. लवकरच कोरोनावर कुठलं औषध काम करेल, हे कळू शकतं अशी माहिती पद्मश्री डॉ. रमण गंगाखेडकर यांनी दिली आहे. भारत हा जगातील पाचव्या क्रमांकाचा देश आहे, जिथे हा विषाणू मानवाच्या शरीराबाहेर ठेवण्यात यश आलं असून त्यावर लस शोधण्याचा प्रयत्न केला जातोय, असंही गंगाखेडकर यांनी सांगितलं आहे. त्यामुळे कोरोना व्हायरसवर लवकरच औषध येण्याची शक्यता निर्माण झाली आहे.
कोरोना विषाणूवर महत्वपूर्ण संशोधन करण्यात पुण्यातील NIV संस्थेला यश आल्याची माहिती पद्मश्री डॉ. रमण गंगाखेडकर यांनी दिली आहे. त्यामुळे हवालदिल झालेल्या नागरिकांना दिलासादायक बातमी मिळाली आहे.
कोरोना व्हायरसने सध्या जगभरात धुमाकूळ घातला असून भारतातही त्याने हातपाय पसरायला सुरुवात केलीय. याची गंभीर दखल सरकारने घेतली असून सर्वांना दिलासा देणारी एक बातमी आली आहे. कारण, लवकरच कोरोनावर कुठलं औषध काम करेल, हे कळू शकणार आहे. पद्मश्री डॉ. रमण गंगाखेडकर यांनी याविषयी माहिती दिली आहे. कोरोना हा विषाणू मानवाच्या शरीराबाहेर राहणे कठीण आहे. मात्र, पुण्यातील नॅशनल इंस्टिट्यूट ऑफ व्हायरोलॉजी (NIV) संस्थेने हा विषाणू मानवी शरीराबाहेर ठेवण्यात यश मिळवले आहे. ही प्रक्रिया खूप महत्वाची आहे, मानवी शरीरातील विषाणूंवर प्रयोग करणे धोकादायक आहे. हा विषाणू शरीराबाहेर असल्यानंतर तो विषाणूंची निर्मिती करतच असतो. परिणामी शरीराबाहेर विषाणूंवर कोणती लस काम करेल याचा शोध घेणे सोपं आहे. त्यामुळे लवकरच यावर लस शोधण्यात यश येईल, असं डॉ. रमण गंगाखेडकर यांनी सांगितले.
